Бове можеби веќе нема да смее да игра во Серија А, ќе треба да оди надвор од Италија?

Едуардо Бове минатиот викенд го потресе фудбалскиот свет откако се сруши на теренот на мечот меѓу Фиорентина и Интер.

За среќа најстрашното мина, но врз Бове уште се прават тестови за да се утврди вистинската дијагноза, причината поради која доби срцев удар.

Весникот „Ла Насионале“ пренесува дека Бове е пренесен од оделениот за интезивна нега на кардиологија и врз него ќе биде направен нов круг на тестирање.

Ако тестовите покажат дека срцевиот удар бил предизвикан од неправилна работа на срцето, тогаш ќе му биде вграден дефибрилатор, а со него е забрането да се игра во Италија.

Од истата причина Кристијан Ериксен го напушти Интер и се пресели во Премиерлигата.