Според италијанските медиуми, Арсенал е подготвен да понуди повисока сума до Наполи за Виктор Осимен, но помала плата за фудбалерот од таа што му ја нуди ПСЖ.
Осимен посакува да замине од Наполи оваа сезона, а и Наполитанците немаат против да го продадат доколку ја добијат сумата која ќе ги задоволи.
Желбата на Наполи е да добие 120-130 милиони евра колку што е откупната клаузула на Осимен, но се чини дека тешко ќе може да се случи тоа.
ПСЖ нуди околу 70 милиони евра, тие веќе се договориле со Осимен за личните примања, но Наполи не е задоволен со оваа понуда од францускиот клуб, чека подобра.
Арсенал се вклучува во трката, тие се подготвени да понудат повеќе од ПСЖ, но неизвесно е дали Осимен ќе прифати трансфер во англискиот клуб бидејќи тие нему му нудат помала плата отколку Французите.
Моменталната плата на Осимен во Наполи изнесува 10 милиони евра по сезона.