Алисон за новиот формат на ЛШ: За навивачите ќе биде неверојатно, но никој не ги прашува фудбалерите

Голманот на Ливерпул, Алисон Бекер зборувајќи за новиот формат од Лигата на шампионите се пожали за големиот број на натпревари кои го имаат фудбалерите.

УЕФА и ФИФА постојано додаваат натпревари во календарот кој ионака е густ, фудбалерите често се жалат, но тоа нема ефект.

Новата сезона во Лигата на шампионите започнува денеска и таа ќе донесе два натпревари повеќе за екипите отколку претходната верзија на натпреварувањето.

„За навивачите е неверојатно. Но, никој не ги прашува фудбалерите што мислат за додавањето на повеќе натпревари. Можеби нашето мислење воопшто не е важно“, се пожали Бекер.