Во Хамбург денеска со почеток од 15:00 часот ќе се игра натпреварот од групата „Б“ на Европското првенство помеѓу Хрватска и Албанија.
Пред натпреварот низ Хамбург владее пријателско расположение на фановите на двете репрезентации.
Додека во претходните сведочевме на некои немили сцени на улиците посебно помеѓу српски и албански навивачи ситуацијата помеѓу Хрватите и Албанците е поинаква.
Навивачите на двете репрезентации заедно пеат на улиците и локалите и се во исчекување на натпреварот.
