Ади Алиќ ново засилување за нападот на Силекс

Фудбалскиот клуб Силекс се пофали со уште едно ново засилување за следната натпреварувачка сезона во ПМФЛ.

Во таборот на кратовчани пристигна Ади Алиќ. Се работи за 22-годишен напаѓач кој потекнува од Босна и Херцеговина.

Во редовите на Силекс, Алиќ доаѓа од редовите на Ахиронас Онисилос на Кипар. Претходно тој беше дел од Слобода Тузла и Слобода Нови Град. Во дресот на кипарскиот клуб минатата сезона даде седум гола на исто толку натпревари.