Агентот негира: Дејвис нема договор со Реал Мадрид, опција е и продолжување во Баерн!

Денеска дел од шпанските медиуми напишаа дека Алфонсо Дејвис и Реал Мадрид веќе се договориле, но брзо стигна демант.

Се пишуваше дека Алфонсо Дејвис ќе пристигне во Реал Мадрид како слободен играч по крајот на сезоната и зделката е веќе договорена.

Агентот на Дејвис ги негира ваквите информации.

„Договор со Реал Мадрид? Не е точно. Фудбалерот има повеќе опции, не сме се договориле со ниту еден клуб. Опција е и нов договор со Баерн Минхен. Сите други информации се неточни“, вели агентот Недал Хосех.