Тео Хернандез беше стрелец на вториот гол за Милан во победата над Лече (3-0).
Со овој погодок францускиот репрезентативец дојде до вкупно 29 во својата кариера во дресот на „росонерите“. Тој се израмни со најголемата клупска легенда Паоло Малдини по бројот на голови, а напиша и кратка порака.
„Победа и 29. гол за Милан. Мило ми е што се изедначив со својот идол Малдини! Напред Милан“, напиша Тео.
На тоа имаше и одговор од легендарниот дефанзивец на Милан. Малдини му укажа на сегашниот фудбалер дека е посебен, посочувајќи дека за само пет години го престигнал по бројот на голови.
„Големиот Тео! Мала разлика е тоа што мене ми требаа 25 години за да го постигнам тоа, а тебе само пет. Ти си посебен“, напиша Малдини.
Факт е дека Тео Хернандез набргу ќе го помине Паоло Малдини по бројот на головите, меѓутоа тој игра во едно друго време, далеку е поофанзивен и има сосема различни карактеристики, па и задолженија на теренот.