Фудбалерите на Челси се радуваа на победа во лонднското дерби славејќи триумф со 3-4.
Не тргнаа работите добро за „сините“ , Тотнем по само 11 минути поведе со 2:0. Прво стрелаше Соланке, а потоа и Кулушевски. Но, тоа не ги откажа гостите кои преку Санчо во 17. минута се вратија резултатски во игра.
На пауза Тотнем успеа да замине со предност, меѓутоа во вториот дел Челси доминираше. Палмер го израмни резултатот од пенал во 61. минута, а Енцо Фернандез во 74. минута се погрижи за целосен пресврт.
Палмер во 84. минута на идентичен начин со удар од белата точка погоди и за 2:4, додека Сон во самата завршница ги постави конечните 3:4.
Челси сега е второпласиран тим на табелата пред Арсенал со два бода повеќе (31), лидер со 34 е Ливерпул кој има и натпревар помалку.