Слот: Имаме силен состав, тешко е да се најдат фудбалери кои може да нѐ засилат

Летниот преоден рок влегува кон крајот, а Ливерпул уште нема донесено ниту едно засилување, црвените работеа на ангажман на Зубименди, но тој реши да ги одбие и да остане во Реал Сосиедад.

Новиот тренер на Ливерпул, Арне Слот вели дека се многу силни, па тешко се наоѓаат играчи кои може да го направат актуелниот тим посилен.

„Верувам дека нашиот состав е навистина силен и не е лесно да најдете фудбалери кои можат да нѐ засилат“, вели Слот.

„Зубименди беше еден, да, но за жал тој одлучи да не дојде и ние одиме понатаму“.