Aктуелниот шпански и европски шампион, Реал Мадрид како што стојат работите ќе мора во јануари да ја засили одбраната на тимот.
Надвор од тимот до крајот на сезоната Едер Милитао и Дани Карвахал, па така тренерот Анчелоти се соочува со сериозни проблеми во составувањето на последната линија.
Во последниот период „кралевите“ се поврзуваа со неколку имиња, а сега на листата желби наводно се појавил и фудбалерот на Нотингем Форест, Муриљо.
Младиот Бразилец во последниот ден од преодниот рок пристигна на „Сити Граунд“ од Коринтијас и сезонава игра прилично добро во тандем со Никола Миленковиќ.
Неговиот договор со поранешниот европски шампион истекува летото 2028 година, па така јасно е дека Реал ќе мора да издвои сериозна сума за да го доведе.
Медиумите на Островот шпекулираат дека од Мадрид ќе мораат двојно да ја зголемат првичната понуда од 40 милиони фунти, ако сакаат да го доведат во јануари.