107
Адриен Рабио целеше кон потпис со некој од најголемите клубови, на крајот се договори со Олимпик Марсеј.
Францускиот клуб потврди дека постигнале договор за потпис со Рабио, договорот е со трајност до јуни 2026 година.
Рабио треба да ги помине медицинските прегледи и да стави потпис на договорот, по што и официјално ќе стане играч на Марсеј.
Тој беше слободен играч откако му заврши договорот со Јувентус. Се поврзуваше со повеќе клубови, но неговата мајка-агент бараше суми кои не беа прифатливи за ниту еден клуб. На крајот Рабио заврши во Марсеј и тоа како што се шпекулира со значително помала плата од онаа која сакаа да ја изнудат.
Ова за Рабио е враќање во француската лига, тој потекнува од тимот на ПСЖ за кој играше долго време.