Првото коло од новиот формат во Лигата на шампионите екипата на Динамо Загреб нема да го памети по добро бидејќи на хрватскиот гигант му се случи историски дебакл од 9:2 против Баерн Минхен.
Динамо во тој натпревар стана првата екипа која во Лигата на шампионите примила девет погодоци.
Можеби звучи чудно, меѓутоа не може да се каже дека во овој натпревар лош беше голманот на Динамо, Иван Невестиќ, напротив тој е голман кој по бројот на одбрани е најдобар во првото коло.
Невестиќ против Баерн собра десет интервенции со што е на врвот помеѓу своите колеги. Зад него следи Доминик Талкач од Слован Братислава со 7 интервенции, додека по шест имаат Тер Штеген и Тибо Куртоа.
