Нова суспензија за капитенот на Саутемптон за расправијата со судија, нема да игра вкупно еден месец

Капитенот на екипата на Саутемптон, Џек Стивенс доби продолжување на суспензијата во Премиер лигата.

Стивенс веќе паузираше три натпревари, не играше против Ипсвич, Евертон и Борнмут, меѓутоа тоа не е сè бидејќи додадени му се уште два меча суспензија. Тоа значи дека тој нема да игра за Саутемптон против Арсенал и Лестер.

Освен тоа, искусниот дефанзивец доби и парична казна од 50.000 фунти која ќе мора да ја плати на ФА на Англија.

Инаку, Џек Стивенс одработи суспензија поради црвен картон на мечот со Манчестер Јунајтед и старт над Гарначо. Тоа не беше толку проблем, колку што беше проблематично однесувањето кон судијата Стјуарт Атвел, кој тоа го пренесе на делегатот.