Муслиу и Падерборн го задржаа екс-европскиот првак во Втора лига

Фудбалерите на Хамбургер ниту оваа сезона нема да се изборат за враќање во Бундеслигата, откако во мечот од претпоследното коло загубија на гостувањето кај Падерборн (1-0).

Македонскиот репрезентативец Висар Муслиу беше стартер и го одигра целиот натпревар за својот тим. Оваа победа на Падерборн значи дека и следната сезона поранешниот европски првак Хамбурегер ќе настапува во Цвајте и нема да се врати во Бундеслигата.

До крајот на сезоната ХСВ ќе одигра уште еден натпревар против Нирнберг, но предноста на третопласираната Фортуна Дизелдорф е четири бода. Што се однесува до Муслиу и Падерборн, тие се седмопласирани.