Конте ќе биде најплатен тренер во Серија А?

Џанпјеро Гасперини одлучи да остане во Аталанта, па така италијанските медиуми најавуваат дека Антонио Конте скоро сигурно ќе биде нов стратег на Наполи.

Од Италија веќе пристигнуваат и информации за договорот кој ќе го има Конте со Де Лаурентис и како што стојат работите тој ќе биде најплатениот тренер во Серија А.

Платата на Конте во Наполи би требало да биде помеѓу осум и девет милиони евра.

Договорот помеѓу Конте и Наполи треба да биде официјализран до крајот на неделава. Засега не е познато дали Конте ќе потпише договор на две или три години со опција за продолжување на уште една.

Во овој момент најплатен тренер е Симоне Инзаги кој со Интер со кого ја освои титулата има плата од 5.5 милиони евра годишно.