Новиот италијански прволигаш Комо се пофали со големо засилување за следната сезона.
Во редовите на тимот кој го предводи Цеск Фабрегас пристигна Андреа Белоти од Рома. Искусниот напаѓач кој играше и за Фиорентина, а со Италија стана европски првак во 2021 година парафира двегодишна соработка со Комо.
Покрај Белоти, овој клуб работи и на уште едно сериозно засилување. Откако го обезбеди потписот со играч кој беше европски, сега сонува за потпис со светски првак.
Станува збор за Рафаел Варан кој е слободен агент по заминувањето од Манчестер Јунајтед. Францускиот стопер е желба лично на Фабрегас, а иако мисијата е тешка да се исполни, Комо ќе се обиде да се бори со конкуренцијата.