Еден од најискусните играчи размислува да го напушти Њукасл

Њукасл Јунајтед ризикува во последните денови од преодниот рок да остане без една од ѕвездите.

Се работи за искусниот десен бек Киеран Трипие, фудбалер кој има 33-години и полека, но сигурно паѓа во втор план во клубот. Трипие е заменик капитен во Њукасл, еден од најдобрите изведувачи на прекини во лигата, меѓутоа паѓа во редот за првотимски статус кај Еди Хау.

Во првото коло против Саутемптон Трипие беше резерва на младиот десен бек Тино Ливраменто.

Поради тоа, се шпекулира дека бекот би можел да замине. Еден од заинтересираните клубови е Евертон на Шон Дајч. Минатата зима за фудбалерот се интересираше дури и Баерн Минхен, како и неколку саудиски клубови.