Димитриевски: Треба да дадеме и повеќе од максимум за да го победиме Пелистер во Битола

Работнички утре му гостува на Пелистер во новото коло од Првата македонска фудбалска лига (ПМФЛ), Михаил Димитриевски вели дека ќе биде тешко, но нивната цел е победа.

„Првенството влегува во забрзан ритам и мораме да останеме фокусирани. Секој натпревар е многу важен за нас и веќе сме фокусирани на утрешниот меч против Пелистер во Битола. Тие се квалитетен тим, посебно добро играат на домашен терен, а сигурно ќе бидат осоколени и по триумфот на гости против Беса. Но, ние веруваме дека можеме да стигнеме до нов позитивен резултат. Се разбира, за тоа ќе треба да дадеме и повеќе од максимум на дуелот што ни претстои“, цели Димитриевски.

Натпреварот меѓу Пелистер и Работнички се игра од 15 часот.