Беса промовира две искусни имиња за дебито во ПМФЛ

Фудбалскиот клуб Беса 1976 во следната сезона ќе дебитира во Првата македонска лига.

Новајлијата кој беше шампион во ВМФЛ покажа дека има сериозни амбиции и промовира две искусни имиња, Костадин Захов и Меџит Незири.

Ветеранот Захов ќе ја продолжи кариерата во Беса, откако мина сезона во Воска Спорт. 36-годишникот се прослави бранејќи за Шкендија, а имаше настапи и за Брегалница, Турново, Вардар и Беласица.

Од друга страна, Меџит Незири доаѓа во Беса од редовите на шампионот Струга. 33-годишниот дефанзивец претходно настапуваше за Шкендија и Ренова, а во странство играше за Дачиа и Вентспилс.