Реал Мадрид претрпе пораз на „Енфилд“ кај Ливерпул (2-0) во петтата рунда на Лигата на шампионите.
Залетаниот англиски тим релативно лесно го надигра и победи европскиот и шпански првак. Тоа по мечот го призна и Џуд Белингем.
„Да си признаеме, Ливерпул беше подобар и заслужено победи. Од првата минута имаше контрола, ние немавме доминантни периоди. Кога имавме посед одевме на сила и грешевме. Контролираа каде да се движиме, оставаа да бидеме празни каде што не сме опасни. Разочарувачки е да се признае, ама Ливерпул беше подобар, помотивиран… Ова е лош резултат, но игравме со екипата која веројатно игра најдобар фудбал во Европа моментално. Сакаме и можеме подобро, треба да се вратиме на добар пат“, изјави Белингем.
Фудбалерите на Реал врзаа два порази во Лигата на шампионите, бидејќи во минатото коло загубија од Милан дома со 1-3.