Карло Анчелоти зборуваше по тешкиот пораз на Реал Мадрид од Барселона (0-4). Италијанецот нагласи дека поразот е висок, но тоа не е причина за откажување.
Мечот со Барселона го спореди со оној пораз од Лил во Лигата на шампионите. Исто така, се надоврза и на последниот пат кога Реал загуби со овој резултат од лутиот ривал.
„Беше поинаков дуел од тој со Лил. Не игравме добро на таа средба, а сега со Барселона повеќе се боревме. Резултатот не го покажува тоа што се случуваше на теренот. Тие беа подобри и за нас ова е тежок и комплициран момент, ама нема да се откажеме. Последен пат кога загубивме од Барса со 0-4 ја освоивме Ла Лига и Лигата на шампионите“, изјави Анчелоти.
Реал Мадрид во 2022 година загуби 0-4 од Барселона, а потоа во сезоната ги освои трофеите во Шпанија и Европа.