Македонија идниот четврток на домашен терен против Малта ги почнува квалификациите за Европското првенство, Милевски денеска го објави списокот.

„Факт е дека дел од носителите во минатите настапи во мундијалските квалификации и Лигата на нации имаат проблеми со минутажа и настапи за своите клубови, да не зборуваме за натпреварувачката форма. Најважно е сите да се здрави и да се стават во функција на тимот. Изборот на фудбалери е тој. Не може да сметаме на Тихомир Костадинов, кој е во завршна фаза од рехабилитацијата по повредата на лигаментите, Серафимов е повреден, додека Дориев не е способен да се стави во функција на тимот, а не сметаме на Тодор Тодороски поради црвениот картон со Бугарија. Спировски и Николов се со слаба форма и слаба минутажа и не се на овој собир, што не значи дека понатаму нема да бидат повикувани“, рече Милевски.

Македонија е во тешка група, Малта е најслабиот противник, но Милевски е претпазлив и вели дека тие не се аутсајдери, имаат свои квалитети, но ако одиграме како што треба ќе победиме.

„Аутсајдери денеска нема и не постојат, кој било да е на терен само се докажува. Поквалитетни сме, ама тоа треба да го докажеме. Кога имате квалитет и после одредени успешни настапи во минатото, нормално е да се очекува да сме на високо ниво, а и ме радува тоа што очекувањата се големи за почетокот. Ќе направиме се да тргнеме успешно во евроквалификациите. Јасно е дека сме во многу тешка група, познат е квалитетот на противниците и неколкупати тоа сум го кажал за една Италија, Англија, тука е Украина, а и Малта има индивидуален квалитет, што го покажа - со победа над Израел, со реми со Грција. Сето ова јасно покажува дека имаме тешки противници, но иаме квалитет и потенцијал да се носиме. Нема предавање, а секогаш првиот меч ни е најважен“, додаде Милевски.

Аријан Адеми во наредните три години ќе настапува во Кина, но Милевски се надева дека тоа нема да биде проблем за тој да продолжи да настапува за Македонија.

„Аријан е добар дечкло и голем професионалец, расположен е да игра за Македонија, јас го очекувам да дојде на собир и да биде и понатму со нас. Лично, сѐ најдобро му посакувам, заслужува за сѐ што постигна во кариерата и во репрезентацијата. Не би требало да е проблем што ќе игра во Кина за да се стави на рапсолагање. Најважно е прво сите да се здрави“.

Обложувај се онлајн на Моцарт, 100% бонус на прва уплата до 400 евра, регистрирај се на овој ЛИНК.