Саутемптон имаше почеток каков што само може да посака, со гол на Ворд Праус поведоа со 1-0 во 12. минута.

Но радоста траеше кратко, Сесињон во 21. минута израмни на 1-1, а десет минути подоцна Дајер даде гол за комплетен пресврт и водство на Тотнем од 2-1.

Во вторто полувреме Салису си постигна автогол за 3-1, а конечните 4-1 беа дело на Кулушевски.

На крајот Саутемптон може да биде и задоволен што прими само четири гола со оглед на бројот на шанси кои ги создаде Тотнем.

Во останатите три меча кои се играа од 16 часот, Њукасл со 2-0 го победи Нотингем форест, Лидс со 2-1 славеше над Вулвс, а Астон Вила со 2-0 загуби на гостувањето кај Борнмут.