Категорија: Германија 23.06.2022 11:27
Кристофер Нкунку имаше одлична сезона во дресот на „биковите“ па го привлече вниманието на гигантите ширум Европа. Французинот сепак реши да не брза со трансфер и стави потпис на нов договор.
„Кристофер Нкунку останува! РБ Лајпциг и најдобриот фудбалер во Бундеслигата во сезоната 2021/22 договорија продолжување на соработката до 2026 година“ – гласеше известувањето.
Медиумите пренесуваат дека Кристофер Нкунку добил значително повисока плата, околу 3 милиони евра повеќе, како и шанса за трансфер по 12 месеци.
Се шпекулира дека во неговиот договор има откупна клаузула од 60 милиони евра која се активира летото во 2023 година.