Еди Нкетиа потпиша нов долгогодишен договор со Арсенал и го доби легендарниот број на дрес 14 кој го носеше Тјери Анри.

Нкетиа имаше одличен финиш на сезоната, а со оглед на тоа што му истекуваше договорот беше мета на неколку клубови како Кристал Палас и Борусија Менхенгладбах. Сепак Артета го убедил да остане.

„Среќен сум што Еди останува со нас. Тој го претставува тоа што сме ние, сите вредности на клубот. Среќни сме што го продолжи договорот и што ќе можеме да продолжиме да го развиваме тој голем талент и личност која ги има во него“, вели Артета.

Нкетиа ќе ја има честа да го носи дресот со број 14 кој е најважен во историјата на Арсенал. Тоа беше бројката на Тјери Анри која подоцна ја носеа Тео Волкот и Пјер Емерик Обамејанг.