Еден детаљ од синоќешниот натпревар помеѓу Франција и Хрватска не им се допадна на навивачите на Реал Мадрид, Лука Модриќ му побара дрес на Килијан Мбапе и тоа на полувремето.
Категорија: Останато 14.06.2022 09:46
Килијан Мбапе требаше да биде новиот херој на навивачите на Реал Мадрид, многумина го видоа во белиот дрес, но Французинот на крајот реши да ги одбие „кралевите“ и да ја продолжи соработката со ПСЖ.
Па тој стана омразен лик, има и такви кои сметаат дека Реал Мадрид веќе никогаш не треба да се обиде да го ангажира Килијан Мбапе.
Верните навивачи на Реал Мадрид сега се разочарани и од еден потег на нивната икона Лука Модриќ на синоќешниот натпревар помеѓу Франција и Хрватска. На крајот од првото полувреме, двајцата во прегратка се упатија кон тунелот и Лука Модриќ го побара дресот на Килијан Мбапе.
Ова не помина добро кај „мадридистите“ кои на социјалните мрежи го искажаа своето незадоволство и сметаат дека ако веќе се разменувале дресови, Килијан Мбапе е тој што трбеа да го побара дресот од Лука Модриќ.
"El MADRIDISTA NO QUIERE VER a MBAPPÉ...
— El Chiringuito TV (@elchiringuitotv) June 13, 2022
Y MODRIC le pide la CAMISETA... NO lo ENTIENDO" @jpedrerol, contundente en #ChiringuitoMbappé pic.twitter.com/NRzO6mIKK4