Категорија: Германија 04.06.2022 10:51
Директорите на Баерн Минхен во неколку наврати јавно порачаа дека нема да му дозволат на Роберт Левандовски да замине и напаѓачот ќе мора да ја одработи последната година од договорот.
Но како што пренесува Билд, раководството на „баварците“ го омекнува ставот. Тие стравуваат дека Полјакот може да го активира фамозниот член 17 на ФИФА и да издејствува заминување по поволни услови.
Па затоа ја одредиле цената и бараат 40 милиони евра за продажба на Роберт Левандовски.
Барселона е подготвена да плати 30 милиони евра плус бонуси, па двата клуба веројатно ќе најдат компромис. Но „каталонците“ во моментов немаат пари и ќе треба да се почека до 16. јуни, кога ќе се одлучува за продажба на дел од имотот.