Категорија: Лига на Шампиони 08.12.2021 23:50
За прв пат по сезоната 2000/01, Барселона нема да игра во нок-аут фазата од Лигата на шампиони. По поразот во Минехн, и победата на Бенфика против Динамо Киев, „каталонците“ се елиминирани од најелитното европско натпреварување и ќе продолжат во Лига Европа.
„Вечерва Баерн беше подобар, супериорен. Се обидовме да ги притиснеме силно и високо, да им ја одземеме топката, но не можевме ништо“ – вели Чави.
„Им кажав на играчите дека почнуваме нова етапа, дека мораме да бараме повеќе од самите себе, дека ова мора да биде пресвртна точка, заедно да ја промениме динамиката и многу други работи“.
„Во моментов не можевме да се надигруваме со топ тим, и наша реалност е дека сме тим за Лига Европа. Ситуацијата е болна, но тоа е реалноста“.
„Но ова не смее да се повтори, мораме да ја вратиме Барселона на славните патеки“.
„Денеска почнуваме од нула, ќе работиме напорно да го вратиме клубот онаму каде што припаѓа, а тоа не е Лига Европа, треба да играме за триумф во Лигата на шампиони“.