Масимо Фереро утринава е уаспен поради корпоративен криминал и лажен банкрот на една од неговите компании. За контроверзниот газда на Сампдорија од поодамна се водат разни истраги за финансиски криминал.

Информациите од Италија велат дека тој основа фирми, ги задолжува, а потоа со лажен банкрот ги измамува доверителите.

Во овој криминал за кој е уапсен, Сампдорија не е поврзана.

Покрај Фереро, уапсени се уште неколку луѓе поврзани со криминалните активности вклучувајќи ја и неговата ќерка Ванеса и блискиот роднина Џорџо.

Масимо Фереро од 2014 година е газда на Сампдорија, а во неодамнешно интервју рече дека е уморен и сака да го продаде клубот.

Фереро од поодамна е под истрага и за перење пари од трансфер на Педро Обијанг од Сампдорија во Вест Хем за 6,5 милиони евра. Парите наместо на сметката на клубот легнале на сметка на една од неговите компании. Но тој процес се уште нема завршница.