Категорија: Франција 30.11.2021 09:00
Синоќа за првпат фудбалер на ПСЖ доби Златна топка, тоа го потенцираше газдата на ПСЖ и изрази надеж дека во иднина ќе добијат уште вакви признанија.
Тој го спомна Мбапе како еден од кандидатите, но не и Нејмар кој одамна цели кон Златната топка.
„Многу сме горди на Меси. Тоа е негова седма Златна топка, а за нас прва. Се надевам дека не и последна. Имаме и други големи фудбалери, Килијан Мбапе сака да ја освои“, изјави Насер Ал Келаифи.
Ваквата изјава на претседателот на ПСЖ може да се протолкува и како последен притисок и умилкување до Мбапе да го продолжи договорот со неговиот клуб.
Но се чини дека позицијата на Мбапе барем засега е дека ќе си оди од ПСЖ.