Категорија: Англија 16.10.2021 15:26
Клаудио Раниери се врати во Премиерлигата, но неговиот прв меч како тренер на Ватфорд помина катастрофално. За тоа е заслужен Ливерпул кој одигра маестрален натпревар.
Роберто Фирмино постигна хет-трик, но по овој меч најмногу се зборува за Мохамед Салах кој имаше свое шоу.
Првиот негов голем потег беше асистенција до Мане во 9. минута, тоа беше едно совршено додавање од далечина.
Во 54. минута египетскиот фудбалер изведе танц во шеснаесетникот на Ватфорд, помина повеќе негови фудбалери и постигна гол.
Ливерпул сега е на првото место на табелата, а од таму може да биде симнат само од Челси ако сините победат на гостувањето кај Брентфорд.