Пристигна официјална потврда, Педри останува верен на Барселона и стави потпис на нов договор. Клубот од Камп Ноу попладнево на социјалните мрежи се пофали дека Шпанецот ја продолжил соработката до 2026 година.

Медиумите од Шпанија пренесуваат дека откупната клаузула на Педри ќе скокне од 400 милиони на 1.000 милиони, и тој ќе стане првиот играч во историјата на Барса со откупна клаузула од 1 милјарда евра.

18 годишното момче се пресели во Барселона минатото лето, веднаш се наметна кај Роналд Куман и во сезоната 2020/21 никој не одигра повеќе од него.