Виљареал беше подобар тим во првото полувреме, само благодарение на одбраните на Де Геа, Манчестер јунајтед не беше во негатива.

Добрата игра тимот на Емери ја префрли и во вториот дел, а тоа резултираше со гол на Пако Алкасер во 53. минута.

Но радоста на гостите не траеше многу долго, во 60. минута Телес со прекрасен гол го изедначи резултатот на 1-1.

Се чинеше дека натпреварот ќе заврши нерешено, но Кристијано Роналдо по асистенција од Лингард во последната минута од судиското продолжение донесе победа за Манчестер јунајтед.

Овој триумф е посебно важен ако се знае дека во првото коло Манчестер јунајтед загуби од Јанг Бојс.

Голот на Роналдо можете да го видите и на овој ЛИНК.