Категорија: Франција 23.09.2021 11:46
Во последните мигови од мечот помеѓу Лион и Троја, Лукас Пакета влезе во бележникот на судијата. Бразилецот доби топка покрај корнер знаменцето и се обиде да продаде „бразилска финта“ и да ја префрли топката преку противникот. Дриблингот не беше успешен, Бразилецот бараше играње со рака а фудбалерот на Троја нешто се бунеше кај судијата. На крајот Лукас Пакета доби жолт картон, иако не се знаат деталите од целата конверзација, се шпекулира дека картон бил покажан поради дриблингот и обидот да го понижи противникот.
Ова беше причина Нејмар да се огласи на социјалните мрежи и да изрази разочарување од ваквиот развој на настаните, со оглед на тао дека и тој доби жолт картон за слична работа минатата сезона против Монпеље.
„Многу тажни сцени, да добие жолт картон за дриблинг... Потегот кој го направи е решение, без разлика на кое место од теренот е направен и без разлика која е минутата. Истото ова ми се случи и мене минатата сезона! Еве сега му се случува на Пакета. Искрено, не го разбирам мотивот. Полека умира „жога бонито“. Уживајте додека можете“ – напаиша ѕвездата на ПСЖ.
Подолу можете да го погледнете дриблингот на Лукас Пакета.
Imagine actually booking a player because they had the temerity to show off some skill. Paqueta's face says it all.
— David Cartlidge (@davidjaca) September 23, 2021
Referee should be suspended for 10+ games. https://t.co/ymg4dJjeuy