Категорија: Шпанија 15.09.2021 12:54
Откако првиот човек на Ла Лига, Хавиер Тебес пред неколку дена изјави дека Реал Мадрид има финансиска моќ да ги купи Килијан Мбапе и Ерлинг Халанд заедно, со слична изјава сега излезе и поранешниот генерален директор на Баерн Минхен.
„Левандовски е најдобриот напаѓач во светот, Халанд е вториот најдобар. Верувам дека Баерн сака да го задржи Левандовски и по истекот на актуелниот договор во 2023 година“ – вели Карл Хајнц Румениге во разговор со Билд.
„Халанд е инвестиција. Мислам дека нема да се пресели во Ливерпул. Но Реал Мадрид е друга приказна. Доколку „кралевите“ бркнат доволно длабоко во џебот, големи се шансите следното лето да ги донесат Халанд и Мбапе“.