Категорија: ЕВРО 2020 17.06.2021 20:52
Клаудио Раниери смета дека Италија на Роберто Манчини игра како клуб, откако „Аѕурите“ запишаа две победи на стартот од воведните две кола на Европското првенство, паднаа Турција и Швајцарија, и обете со по 3-0.
Можеби противниците не се целосна слика, меѓутоа факт е дека Италијанците делуваат моќно, за што уверуваат и зборовите на Раниери, кој „Аѕурите“ ги опиша како еден перфектен оркестар.
„Италија игра како клуб, едноставно така наликува, тоа се повтори и против Турција“ рече Раниери.
„Дриблање, пресинг, трчање, постојан континуитет во играта, ова навистина е национален тим кој игра како клуб, а сето тоа уште повеќе ја подобрува работата на Роберто Манчини“ додава тој.
„Досега, сево ова мене лично ми наликува на еден перфектен оркестар, шест гола постигнати, а ниту еден примено досега, целосна доминација над противникот, Манчини отвори ново поглавје со Италија, мораме да продолжиме да го следиме“ нагласи Раниери.