Томас Муние беше фудбалерот кој донесе големи главоболки за Реал Мадрид, но и за Белгија, откако на мечот во Лигата на шампионите помеѓу ПСЖ и Реал Мадрид го повреди Еден Азар.

Тоа се случи во ноември 2019 година, а по мечот Муние тврдеше дека е тажен по што се обидел и да го контактира својот сонародник Белгиец, меѓутоа не успеал во таа намера, а го налутил дури и првиот човек на Реал Мадрид, Флорентино Перез.

„По мечот јас бев во тунелот, а пристигна и Флорентино, му ја подадов раката да се поздравам и му реков дека ми е чест и задоволство што го гледам“ рече Муние за „РТБФ Спорт“.

„Тој ми возврати: ‘Чест и задоволство ти е што се среќаваш со мене? Дали разбираш дека ти го повреди Еден Азар? А ми велиш дека ти е чест и задоволство што ме среќаваш’“ открива Белгиецот.

„Го прашав дали јас го повредив Азар, дали е тоа моја вина, тој ми потврди, јас му реков дека тоа беше дуел како и секој друг, се случува, фудбал е, дел од играта“ подвлече Муние кој тврди дека тоа било сосема случајна незгода без никакви намери.