Повеќе медиуми во Италија објавија дека Рома на барање на својот нов тренер Жозе Мурињо тргнува со сите сили по потписот на голманот на Вулверхемптон, Руи Патрисио.

Преговорите помеѓу Рома и Вулверхемптон се веќе во тек, а се верува дека Премиерлигашот бара обештетување во висина од околу 12 милиони евра, иако од Рома првичната понуда засега изнесува 7-8 милиони евра, а дополнително има и бонуси.

Се верува дека разликата во преговорите помеѓу обата клуба може лесно да се надмине, а преговорите ќе продолжат и наредните денови, со тоа што од Вулверхемптон веќе го пикирале Жозе Са од Олимпијакос како наследник на Португалецот.