Категорија: Италија 14.05.2021 21:33
Утре од 18 часот Јувентус го пречекува Интер во нова епизода од Дербито на Италија. А во пресрет на мечот интересно е да се знае дека Лукаку никогаш не дал гол против Старата Дама.
Лукаку играл пет пати против Јувентус, од нив четири како играч на Интер и еднаш со Манчестер јунајтед во Лигата на шампионите.
Од тие деули Лукаку само еднаш се радувал на победа против Јуве, кога Интер во јануари оваа година победи со 2-0.
Белгиецот утре има нова шанса да му даде гол на Јуве. За Интер овој меч нема големо значење, тие веќе се шампиони, но за Јувентус е премогу важен овој дуел, секој загубен бод може да ги одалечи од битката за топ четири.