ПСЖ ќе го има најсилниот напад во историјата доколку „светците“ му ги исполнат желбите на Нејмар. Бразилецот пред неколку месеци порача дека сака одново да игра со Лео Меси, а сега истакна дека има желба да соработува и со Кристијано Роналдо.

„Сакам да играм со Кристијано Роналдо“ – вели Нејмар во разговор со магазинот „Џеј Кју“. „Имам играно покрај големи фудбалери како Лео Меси и Килијан Мбапе, но никогаш не сум играл покрај Кристијано Роналдо.

Бразилецот неодамна стави потпис на нов договор со ПСЖ до 2025, тешко е за верување дека ќе го промени клубот во следните години, па Париз е единственото место каде што може да му се исполнат желбите.

Шеикот од Катар и ПСЖ имаат финансиска моќ да креираат еден ваков напад од соништата, парите сигурно нема да бидат проблем, ќе биде потребна само желба од страна на Лео Меси и Кристијано Роналдо. Двајцата имаат многу прашалници околу иднината, често се говори за нивно заминување од Барселона, односно, Јувентус, а Париз се посочува како една од можните дестинации.