Можеби мечот во Рим ќе биде само формалност, иако не е спортски никого да се отпишува, меѓутоа и повеќе од очигледно е дека неизвесноста е во голема мера за реваншот помеѓу Арсенал и Виљареал, откако во првата пресметка шпанскиот прволигаш славеше со 2-1 на домашен терен.

Арсенал вечерва ќе настапи во формациска поставеност од 3-4-3, доста офанзивен приод во играта гледано на хартија од страна на Микел Артета, кој во нападот ќе го има и капитенот Пјер-Емерик Обамејанг.

На спротивната страна, екс тренерот на Арсенал, Унаи Емери се реши за офанзивна поставеност со формација 4-3-3, па судејќи според распоредот на неговите избраници, за очекување е да проследиме офанзивен фудбал во Лондон.

Што се однесува пак до втората полуфинална реванш пресметка, Рома е пред невозможна мисија да анулира негатива од цели 6-2 стекната од првиот меч на гостински терен кај Манчестер јунајтед.

Един Џеко ќе биде главната опасност кон голот на гостите, а Рома ќе настапи во формациска поставеност од 4-2-3-1.

Иако со висока предност од првиот меч, сепак, Оле Гунар Солшер не сака да ризикува па од првата минута ќе почне и Бруно Фернандеш во формациска поставеност од 4-2-3-1.