Категорија: Лига на Шампиони 04.05.2021 23:44
„Светците“ ќе почекаат уште некоја година за титула во Лигата на шампиони откако вечерва одново загубија од Манчестер Сити и беа елиминирани во полуфиналето.
Марез го отвори резултатот во 11. минута, а истиот играч погоди повторно во 63. минута и практично го реши двомечот.
По вториот гол на „граѓаните“, фудбалерите на ПСЖ ги загубија нервите, имаше неколку тензични моменти, Ди Марија доби црвен а во бележникот на судијата влегоа и Верати, Кимпембе и Данило.
По крајот на натпреварот, Марко Верати се пожали од Бјорн Кујперс и откри дека бил навредуван.
„Два пати ми рече „Е*и се“. Доколку јас му кажам на судијата „Е*и се“, ќе добијам десет натпревари суспензија. Секако дека разговарам многу со судиите, но никогаш не сум ги употребил овие зборови“ – вели Италијанецот.