За ситуацијата да биде уште побизарна, доволно говори фактот што поранешниот прв чувар на мрежата од голот на „Гордиот албион“ беше на клупата за резерви во реваншот против Динамо Загреб.
Категорија: Лига Европа 19.03.2021 11:56
Вториот голман на Тотнем, Џо Харт имаше доста бизарен гаф на социјалните мрежи откако објави дека „работата е завршена“ во реваншот против Динамо Загреб, алудирајќи на тоа дека Премиерлигашот прогресирал во четвртфиналето од Лига Европа.
Тотнем имаше водство од 2-0 по првиот меч, а вчера на реваншот загуби во продолженија со 3-0, со тоа што Динамо Загреб на нашите репрезентативци Стефан Ристовски и Аријан Адеми приреди големо изненадување, а донесе и гаф на Харт.
Иако беше на клупата за резерви бидејќи Лорис стартуваше од првата минута, а воедно со свои очи ја проследи „капитулацијата“ на Тотнем во живо, некако помислил дека неговиот тим прогресирал, меѓутоа оваа објава иако за брзо ја избриша, сепак остана забележата од јавноста.