Удинезе разочаран ќе си замине од Сан Сиро и покрај тоа што освои бод. На гостите им се смешкаше победата, требаше да издржат само уште еден напад, но Ларсен направи глупост играше со рака, судијата покажа на белата точка а Кеси донесе 1-1.

И нашиот Илија Несторовски ќе има за што да жали, напаѓачот промаши зицер. При резултат 0-0, на стартот од второто полувреме, Тео Ернандез лошо врати една топка, Переира пресече и нафрли на пет метри. Нестогол можеше да се прослави но биеше право во Ромањоли, кој на гол линијата очајно спасуваше и покриваше за истрчаниот Донарума.