Предводникот на Манчестер јунајтед, Оле Гунар Солшер не крие дека е во постојан контакт со неговиот сонародник Норвежанец, напаѓачот на Борусија Дортмунд, гол-машината Ерлинг Халанд кој се поврзува со можен трансфер во редовите на „Црвените ѓаволи“.

Солшер соработуваше со младиот напаѓач во Молде и имаше обид од негова страна да го доведе на „Олд Трафорд“, но истиот беше неуспешен откако од Салцбург, Халанд направи трансфер во Борусија Дортмунд, а сигурно дека не погреши во неговата одлука.

„Сметам дека кога имате ситуација да некој млад фудбалер поминал покрај вас како тренер, контактот останува, а вие како тренер постојано ќе го следите неговиот напредок“ рече Солшер.

„Во постојан контакт сум со Ерлинг, прекрасно е да се види тоа што стана фудбалер каков што е денеска“ додаде тој.

„Тој во моментов е фудбалер на Борусија Дортмунд, ние секако му посакуваме се’ најдобро во овие моменти таму, ќе видиме што ќе се случи потоа“ заклучи шефот на стручниот штаб на Манчестер јунајтед.