Категорија: Германија 11.02.2021 22:10
Потегот на Баерн Минхен да му врачи отказ на Нико Ковач во ноември 2019 и да го ангажира Ханси Флик се покажа како полн погодок.
„Баварците“ газат под водство на Ханси Флик, вечерва го совладаа Тигрес во финалето на Светското клупско првенство и станаа само вториот тим по оној на Барселона предводен од Пеп Гвардиола кој освоил шест трофеи во една година.
Ретко кој очекуваше ваква доминација и неверојатни 15 месеци во кои Ханси Флик има повеќе титули (шест) отколку порази (пет). Германецот на 68 натпревари на кормилото на Баерн има 58 победи, 5 нерешени натпревари и 5 порази.
На овие 68 натпревари, Баерн постигна 210 погодоци, или во просек нешто над три погодока на натпревар. Секоја чест.