Фудбалот знае да испише убави приказни а токму тоа вечерва му се случи на малиот Алкојано. Третолигашот, кој има буџет од нешто над 700.000 евра го елиминираше Реал Мадрид во Копа дел Реј.

Ова е голема сензација во која очигледно не верувале ниту самите играчи на Алкојано па не договориле премија за победа.

„Не договоривме премија. Никој не го очекуваше ова“ - вели претседателот Анотнио Хустисија.

Стрелецот на победоносниот гол Хуанан додава: „Никогаш не стана збор за премии, но тоа мора да се промени, мора да преговараме одново“.