Категорија: Шпанија 14.01.2021 23:05
Атлетик Билбао ќе се бори со Барселона за трофејот од Суперкупот на Шпанија, вечерва „баскијците“ со 1-2 го совладаа Реал Мадрид.
Раул Гарсија го отвори резултатот во 18. минута, истиот играч потоа во 38. минута погоди од белата точка за 0-2.
Реал се разбуди во продолжението од мечот, почнаа да се редат шанси, Асенсио два пати ја погоди рамката од голот а Бензема во 73. минута постигна гол, кој во прв момент беше поништен поради офсајд, но со помош на ВАР беше признат.
Французинот и по втор пат ја затресе мрежата, но и овој гол беше поништен.
Драмата продолжи длабоко во судиското надополнување, ВАР во 98. минута прегледуваше пенал за старт на Весга врз Рамос, но ништо не беше досудено.