Езгјан Алиоски е во фокусот по синоќешниот натпревар помеѓу Лидс и Арсенал, го испровоцира Николас Пепе, дојде до кошкање, фудбалерот на „топчиите“ го удри со глава Македонецот а судијата немаше друг избор и му покажа црвен картон.

Па Езгјан Алиоски и Николас Пепе беа мета на гневни фанови, кои на социјалните мрежи упатија навреди и закани.

Лидс и Арсенал веднаш го осудија ваквото однесување и најавија дека ќе соработуваат со полицијата за да се најдат виновниците.

„Лидс нема да ги толерира грозните навреди упатени кон Езгјан Алиоски и Николас Пепе на социјалните мрежи по синоќешниот натпревар против Арсенал. Ќе соработуваме со полицијата и фудбалските власти за да се осигураме дека овие индивидуи ќе бидат идентификувани и казнети“ – гласеше соопштението на Лидс.

The vile abuse directed at Ezgjan Alioski and Nicolas Pepe on social media after yesterday’s game with Arsenal will not be tolerated by #LUFC.

We will work closely with the police and the footballing authorities to ensure those responsible are identified and punished.

— Leeds United (@LUFC) November 23, 2020

„Ги осудуваме грозните навреди кон Николас Пепе и Езгјан Алиоски на социјалните мрежи по нашиот натпревар против Лидс. Ова е неприфатливо, ќе соработуваме со полицијата и властите и ќе сториме се што можеме за да се пронајдате виновниците и да се казнат“ – гласеше известувањето на Арсенал.

We utterly condemn the vile abuse directed at Nicolas Pepe and Ezgjan Alioski on social media following our match against Leeds.

This is completely unacceptable and we will be working with the police and authorities to do everything we can to trace and prosecute the culprits.

— Arsenal (@Arsenal) November 23, 2020