Во ПСЖ си поставиле примарна цел да се продолжи договорот на Килијан Мбапе, а клубот преку својот спортски директор Леонардо прави максимални напори за да ја оствари својата зацртана цел, но, како и да е, желбите на клубот се едно, а повеќе од јасно е дека сосема друго на самиот фудбалер.

„Л’Екип“ известува дека клубот и фудбалерот веќе имале првични контакти околу можно продолжување на договорот, меѓутоа позициите на обете страни се на сосема различни страни, а преговорите течат доста комплицирано.

Мбапе подолг период се поврзува со Реал Мадрид, а од сенка својата шанса ја чека и Ливерпул кој исто така се споменува како следна можна дестинација доколку дојде до разделба помеѓу Мбапе и ПСЖ.